«Qazaqfılm» AQ eks-prezıdentine jemqorlyqqa jol berdi degen kúdik keltirilip otyr

QR Sybaılas jemqorlyqqa qarsy is-qımyl agenttigi Memleket basshysynyń zańsyz satyp alynǵan aktıvterdi izdeý jáne qaıtarý jónindegi tapsyrmalaryn oryndaý maqsatynda «Sháken Aımanov atyndaǵy «Qazaqfılm» AQ burynǵy prezıdentiniń qylmystyq áreketin áshkereledi.

Bul týraly Kazinform QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.

2017 jyly Almaty oblysynyń Іle ózeni jaǵasyndaǵy «Kóshpendi» kınojobasy aıasynda salynǵan jasandy «Túrkistan» bekinisi Mádenıet jáne sport mınıstrliginiń burynǵy basshylyǵymen úlestes kommertsııalyq uıymnyń naryqtyq qunynan 44 ese tómen baǵamen satylǵan.

Qazirgi ýaqytta osy aktıvti jáne jer ýchaskesin memleketke qaıtarý boıynsha sharalar qabyldanýda.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.