«Qazaqfılmniń» burynǵy basqarýshy dırektoryn qamaýda ustaý merzimi uzartyldy
ALMATY. QazAqparat - «Qazaqfılm» AQ-nyń ekonomıka jáne qarjy boıynsha eks-basqarýshy dırektory Gaýhar Ysqaqovany qamaýda ustaý merzimi uzartyldy, dep habarlaıdy «QazAqparat» tilshisi.
«Gaýhar Ysqaqovany qamaýda ustaý merzimi 17 aqpanǵa deıin uzartyldy», dep habarlady qalalyq sottyń baspasóz qyzmetinen.
Eske sala keteıik, Sybaılas jemqorlyqqa qarsy ulttyq bıýro «Fenıks» kórkem fılmin túsirýge bólingen bıýdjet qarjysynyń talan-tarajǵa salynǵanyn anyqtaǵan bolatyn.
Tergeý barysynda «Qazaqfılm» AQ «T.K.Turan Universal Busines» JShS-ne fılmniń daıyndyq jáne aldyn ala daıyndyq kezeńine 79 mln teńge aýdarǵany belgili boldy. Onyń 69 mln teńgesin fılm prodıýseri Tuńǵyshbaı Jamanqulov ózi quryltaıshy bolyp tabylatyn «T.K.Turan Universal Business» JShS arqyly jymqyrǵany kórsetildi. Aqsha merdiger uıymdar arqyly qolma-qol aqsha retinde alynyp Jamanqulovqa berilgen.
Sonymen qatar, bul iske «Qazaqfılmniń» ekonomıka jáne qarjy salasy boıynsha burynǵy basqarýshy dırektory G.Ysqaqova men fılmniń atqarýshy prodıýseri N.ıÝdınınanyń da qatystylyǵy dáleldenip, olardy tutqyndaýǵa sot sanktsııa bergen.
Eske sala keteıik, 2016 jyldyń 2 qarashasynda joǵaryda atalǵan qarajatty jymqyrdy degen kúdikpen Tuńǵyshbaı Jamanqulov ustalǵan.
3 qarasha kúni Jamanqulov shyǵyndy bólip qaıtardy. Onyń egde jasta ekendigi, sondaı-aq, kepilge múlik qoıylǵandyǵy eskerilip, sot tarapynan oǵan qatysty «kepildik» bultartpaý sharasy qoldanylǵan.
