«Qazaqfılmde» otandyq kınematografııa tarıhynan syr shertetin kórme ótti

Kórmege qoıylǵan qujattar, fotografııalar, eksponattar, qazaq kınematografııasynyń tarıhynan, damý kezeńderinen jáne jemisti jyldarynan syr shertedi. Kórmedegi materıaldyń kóbi fondtyń asa qundy qujattar qataryna jatady. Atalmysh mádenı is-sharanyń ótýine uıytqy bolǵan Qazaqstan Respýblıkasy Prezıdentiniń muraǵaty jáne Sh.Aımanov atyndaǵy «Qazaqfılm» AQ.

Kórme aıasynda QR Prezıdentiniń muraǵaty dırektory Borıs Japarovtyń, «Qazaqfılm» kınostýdııasynyń vıtse-prezıdenti Serik Jubandyqovtyń jáne kıno salasynyń tanymal ókilderi - QR Halyq artısi Nurjuman Yqtymbaevtyń, QR eńbek sińirgen qaıratkeri Satybaldy Narymbetovtiń, «Qazaqfılm» kınostýdııasynyń aýdıovızýaldy jobalar jetekshisi, QR eńbek sińirgen qaıratkeri Oljabaı Musabekov jáne de basqalardyń qatysýymen dóńgelek ústel ótti.

Bul shara Elbasy N.Á.Nazarbaevtyń bes ınstıtýtsıonaldyq reformasyn oryndaý jáne elimizdiń mádenıeti men ónerin damytýǵa arnalǵan taqyryptyq kórmeler serııasy aıasynda ótkizilip otyr.

«Qazaqstan kınematografııasy tarıhynan» atty kórmege 50-den astam eksponat qoıylǵan. Olardyń qatarynda otandyq kınematografııanyń alǵashqy qadamdary týraly jáne kınostýdııanyń qyzmeti týraly habar beretin biregeı materıaldar, otyrystardyń stenogrammalary, kıno jumysshylarynyń ótinimderi, dýblıaj salasynyń qujattary, fılmderdiń stsenarııleri jáne olarǵa jazylǵan retsenzııalar bar.

Sondaı-aq, kórmege kórkem jáne derekti fılmder túsirilimi barysynda jasalǵan  fotoqujattar da qoıylǵan.

Sharanyń sońynda Sh.Aımanov atyndaǵy «Qazaqfılm» kınostýdııasynyń vıtse-prezıdenti Serik Jubandyqov jáne QR muraǵatynyń dırektory Borıs Japarov estelik syılyqtarymen almasty: kınostýdııaǵa muraǵat tarapynan stýdııanyń tarıhy týraly sırek kezdesetin materıaldar usynyldy, al  kınostýdııa «Qazaqfılmniń» úzdik týyndylarynyń DVD dıskileri bar «Qazaq kınosynyń antologııasyn» berdi.