«Qazaqfılm» jańa fılm túsirýdi bastaıdy
ALMATY. Tamyzdyń 16-sy. QazAqparat /Názıra Eleýhan/- Sh.Aımanov atyndaǵy «Qazaqfılm» stýdııasynda "Átkenshek" dep atalatyn jańa fılmniń túsirilimi bastalady,
dep habarlaıdy QazAqparat.
Atalmysh fılmniń qoıýshy-rejıssery, ári stsenarııdiń avtory Toqtar Qarsaqbaev.
"90 mınýttyq melodrama janryndaǵy fılmniń túsirilimi erteń bastalady. Túsirilimder negizinen Almaty men Astana qalalarynda ótedi. Fılm Marat esimdi jas jigit pen Ánel esimdi qyzdyń arasyndaǵy mahabbat týraly. Rejısser Toqtar Qarsaqbaevtyń aıtýynsha, basty rólderdi kórermenge buryn tanys emes jas ártister oınaıdy.
Bul fılmge sonymen qatar, qazaqstandyq kórermenge "Santa-Barbara" teleserıalynda Meıson Kepvel rólimen tanys bolǵan amerıkandyq akter Leın Devıs túsedi.
"Men Qazaqstanda osydan 2 jyl buryn bolyp edim. Az ýaqyttyń ishinde Qazaqstannyń kıno ındýstrııa salasynyń qarqyndy damyǵany tań qaldyrdy", dep atap ótti Leın Devıs.
Onyń aıtýynsha, Amerıkada teatr salasy onsha damymaǵan. "Kıno salasy kiristi kóp ákeletindikten, qarqyndy damýda. Osy 60 jasyma deıin 37 fılmge tústim", dedi amerıkandyq akter.
Fılmniń prodıýsseri Maıra Qarsaqbaevanyń aıtýynsha, túsirilim 2011 jyly maýsym aıynyń sońynda aıaqtalyp, kórermenge qyrkúıek aıynda usynylmaq.
