«Qazaqfılm» týyndylary Bangladeshte ótetin kınofestıvalge qatysady
ALMATY. QazAqparat – Rejısser Ermek Tursynovtyń «Shyraqshy» jáne Nurgeldi Sadyǵulovtyń «Balýan Sholaq» fılmderi Bangladeshte ótetin 18-shi Dhaka International Film Festival kınofestıvaliniń baǵdarlamasyna qatysady.
Atalmysh sharany ótkizý keler jyly qańtardyń 10-y men 19-y aralyǵyna josparlanǵan, dep habarlaıdy QazAqparat «Qazaqfılm» kınostýdııasyna silteme jasap.
Dakkadaǵy Halyqaralyq kınofestıval 1992 jyldan beri Rainbow Film Society qaýymdastyǵynyń uıymdastyrýymen ótkizilip keledi. Baıqaýdyń maqsaty - kınosúıer qaýymdy álemdegi jańa fılmdermen tanystyryp, kıno qaıratkerlerdiń sheberligin jáne kıno óndirisi jumystaryn jetildirý.
Dhaka International Film Festival Bangladeshte ótetin eń bedeldi festıvalderdiń biri.
«Shyrakshy» fılmi Ekinshi dúnıejúzilik soǵys kezinde nemis qarııadan kınoapparat syıǵa alǵan soldat týraly. Soǵystan soń elge oralǵan ol qartaıǵan shaǵyna deıin el aralap, kınoapparatpen eski fılmderdi kórsetýmen aınalysady. Bul týyndy 23 qańtardan bastap prokatqa shyǵady.
Al «Balýan Sholaq» kartınasy esimi tarıhta qalǵan palýan, ánshi ári kompozıtordyń ómiri týraly baıandaıdy. Qazaqstandyq prokatqa bul fılm bıyl kóktemde shyqqan bolatyn.
Eki fılmdi de QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen.
