«Qazaqfılm» tusaýyn kesken týyndylar halyq alǵysyna bólenip jatyr - Mádenıet jáne aqparat mınıstrligi
ASTANA. 13 shilde. QazAqparat - Qazaq kıno óneri bıyl úlken týyndylarmen tolyqty.
Bul týraly búgin Astanada QR Mádenıet jáne aqparat mınıstrliginiń alqa májilisinde atalǵan vedomstvonyń basshysy Darhan Myńbaı aıtty.
«Sońǵy jyldary qazaq kıno óneri úlken týyndylarmen tolyqty. Tek ótken jyl kóleminde 25 qazaq kınosy prokatqa shyqsa, bıylǵy jyly 37 fılm kórermenderge jol tartty. «Qazaqfılm» tusaýyn kesken týyndylar halyq alǵysyna bólenip, sarapshylar tarapynan qaıtalanbas týyndylar retinde baǵalanyp jatyr», - dep toqtaldy mınıstr.
«65-shi Kann festıvalinde «Stýdent» jáne «Jaýjúrek myń bala» fılmderin bedeldi halyqaralyq dıstrıbıýterler álemdik prokatqa shyǵarý úshin satyp aldy. Jasyratyn nesi bar, bul da sońǵy ýaqytta qol jetip otyrǵan qubylys, osy úshin de «Qazaqfılmniń» jumysyn baǵalaı alamyz», - dep túıindedi D. Myńbaı.
