«Qazaqfılm» stsenarııler baıqaýyn jarııalady
ASTANA. QazAqparat - Sh.Aımanov atyndaǵy «Qazaqfılm» AQ qarasty «Debıýt» birlestigi qysqametrajdy kórkem fılmder stsenarıılerine konkýrs jarııalady, dep habarlaıdy QazAqparat kınostýdııanyń baspasóz qyzmetine silteme jasap.
Konkýrstyq jumystar búginnen bastap mamyr aıynyń 7-sine deıin qabyldanady. Stsenarıılerdi elimizdiń tanymal kınematografısteri irikteıdi.
Sh.Aımanov atyndaǵy «Qazaqfılm» AQ qarasty «Debıýt» shyǵarmashylyq-óndiristik birlestigi qysqametrajdy stsenarııler konkýrsyna jumystardy tómendegi sharttar boıynsha qabyldaıdy:
- Konkýrsqa tek Qazaqstan Respýblıkasy azamattary qatysa alady;
- Usynymdardy qabyldaý merzimi - 07.02.2018 men 07.05.2018 aralyǵy;
- Konkýrsqa qysqametrajdy kórkem fılmderge arnalǵan stsenarıı nemese ádebı shyǵarma negizinde qazaq ne orys tilderinde, 5-20 bet kóleminde jazylǵan stsenarııler (bir nemese birneshe avtorlar birlese jazǵan) qabyldanady;
- Salalyq bilimi bar nemese kınoǵa jaqyn sala boıynsha bilimi bolǵany abzal.
Konkýrsqa qatysýshy ózi týraly qysqa aqparat jáne onyń osyǵan deıin jasaǵan jumystaryn, (2 betke deıin), annotatsııa (500 belgige deıin), sınopsıs (3000-4000 belige deıin) joldaýy kerek.
Konkýrstyq jumystardy úsh aıdyń kóleminde debut@kazakhfilmstudios.kz elektrondy poshtasy arqyly jiberýge bolady.
