«Qazaqfılm» sahna sańlaǵyn 100 jasynda kınoǵa túsýge shaqyrdy
ASTANA. QazAqparat - Qazaqstannyń Eńbek sińirgen ártisi Habıba Elebekova 100 jasqa taıady. Jýyrda Sháken Aımanov atyndaǵy «Qazaqfılm» kınostýdııasy aktrısaǵa Qalıbek Qýanyshbaev týraly kınoǵa túsýge usynys jasady, dep habarlandy Ulttyq arnadaǵy «Tańsholpan» baǵdarlamasynda.
Bul týraly ǵasyr jasaǵan sahna sańlaǵyn quttyqtaı barǵan «Tańsholpannyń» tilshisi Jazıra Zákirqyzymen áńgimede belgili boldy.
Habıba Elebekova teatr ónerine 70 jyldan asa qyzmet etti. 93 jasynda kınoǵa túsken. «Tetarǵa 17 jasymda keldim. Teatr - meniń qarashańyraǵym», deıdi aktrısa.
Maǵjan Jumabaevtyń shyǵarmashylyǵyn erekshe qurmetteıtin óner ıesi tańǵy baǵdarlama kórermenderine aqynnyń óleńin jatqa oqyp berdi.
