«Qazaqfılm» National Geographic úlgisi boıynsha Qazaqstannyń tabıǵaty týraly derekti fılm túsiredi

ASTANA. QazAqparat - «Qazaqfılm» National Geographic úlgisi boıynsha Qazaqstannyń tabıǵaty týraly derekti fılmder serııasyn túsiredi. Bul týraly búgin Ortalyq kommýnıkatsııalar qyzmetinde ótken brıfıngte QR Mádenıet jáne sport vıtse-mınıstri Asqar Bóribaev aıtty.

«Biz «Qazaqfılmge» National Geographic-tiń úlgisine súıene otyryp Qazaqstannyń tabıǵaty týraly derekti fılmder serııasyn túsirýdi tapsyrdyq. Ondaǵy basty maqsat týǵan óńir tarıhyn taný. Óıtkeni bizdiń tarıhymyz ben salt-dástúrimiz óte baı. Bizde taý da, ózen de, teńiz de bar. Jýyq arada osylardyń barlyǵyn teledıdardan tamashalaý múmkindigin alamyz», - dedi ol.