«Qazaqfılm» kınostýdııasynyń kastınginde barlyq tilek bildirýshiler baǵyn synaı alady
ASTANA. QazAqparat - «Qazaqfılm» kınostýdııasy fantastıkalyq fılmniń túsiriliminde jalpy kópshilik kórinisterge (massovka) qatysý úshin kastıng jarııalaıdy.
«Fenıks» atty jańa kórkem fılmdegi jalpy kórinisterge túsýge irikteýge barlyq tilek bildirýshiler qatysa alady. Olardyń jas erekshelikterine qatysty esh shekteý joq.
Kastıngke qatysýdy qalaǵandar Almaty qalasyndaǵy ál-Farabı dańǵyly, 176 úıde ornalasqan Sh.Aımanov atyndaǵy «Qazaqfılm» kınostýdııasyna 11-31 tamyz aralyǵynda jeke kýáligin alyp kele alady, dep habarlaıdy kınostýdııanyń baspasóz qyzmetinen.
