«Qazaqfılm» kınostýdııasy jańa fılm túsirýde
ALMATY. Tamyzdyń 12-si. QazAqparat /Erbol Turymbetov/ - Almatyda «Jel qyz» atty jańa fılm túsirilýde.
Keshe Almatydaǵy sońǵy túsirilim kúnin aıaqtaǵan túsirýshi top endi Qordaı, Shýǵa qaraı bet alady. Olar onda kúzge deıin bolmaq, dep habarlaıdy «Qazaqfılm» AQ baspasóz qyzmeti.
Qysqametrajdy fılmniń qoıýshy-rejısseri - Jasulan Poshanov. Fılm stsenarııi bolǵan oqıǵa izimen jazylǵan. Onda jas jigitter aýyldaǵy dostaryn úılendirmek bolyp bir qalalyq qyzdy alyp qashady. Negizgi oqıǵalar osy jeli boıynsha júredi.
«Bul remeık. Fılm jobasy bárimizge unaǵandyqtan onyń stsenarııi alǵashqy nusqasynan kóp ózgere qoıǵan joq. Tek birer komedııalyq kórinister qosyldy», deıdi rejısser.
«Qazaqfılm» AQ-nyń prezıdenti Ermek Amanshaevtyń aıtýynsha, qazir óndiriste barlyǵy 22 tolyqmetrajdy, 30 shaqty qysqametrajdy, 7 anımatsııalyq kartına, elý serııaly mýltfılm jáne «Er Tóstik» ertegisi qory boıynsha tolyqmetrajdy anımatsııalyq lenta bar. «Qazir kınostýdııa kınematografııa óneri boıynsha ár túrli keńeıtilgen spektrlyq janrlarda jumys isteýde.
