«Qazaqfılm» Qazaqstan tarıhynda tuńǵysh ret 3 D formatyndaǵy fılmin tanystyrady

Bul týraly búgin Úkimet otyrysynda QR Mádenıet mınıstri Muhtar Qul-Muhammed málim etti.

«Tamyz aıynda Qazaqstan tarıhynda alǵashqy ret 3 D formatyndaǵy Egor Konchalovskııdiń «Aýǵanstanǵa oralý» fılminiń, al qyrkúıekte T. Temenovtyń J. Depardeniń qatysýymen túsirilgen «Meniń kúnáhar perishtem» fılmderiniń jalpyulttyq tusaýkeseri ótkiziledi», - dedi mınıstr. Onyń sózine qaraǵanda, jyldyń sońyna deıin 4 tolyqmetrajdy jáne 8 qysqametrajdy fılmder ekranǵa shyǵady.

«Qazaqstannyń tarıhı-mádenı eskertkishterine arnalǵan 20 derekti fılmniń, Memleket basshysy men elimizdiń tanymal qaıratkerleriniń qyzmeti týraly 20 qosymsha derekti fılmniń túsirilimi aıaqtalyp, qarasha aıynda «Qazaq eli» atty 25 serııaly anımatsııalyq fılmniń tusaýkeseri ótedi», - dedi M. Qul-Muhammed.