«Qazaqfılm» Elbasynyń balalyq shaǵy týraly fılm premerasynyń Qazaqstan qalalarynda ótetin kúnderdi atady
ASTANA. 13 sáýir. QazAqparat /Damır Baımanov/ - «Qazaqfılm» aktsıonerlik qoǵamy Elbasy shyǵarmalarynyń jelisimen túsirilgen «Balalyq shaǵymnyń aspany» atty kórkemfılm premerasynyń Qazaqstan qalalarynda ótetin kúnderdi atady.
Kınostýdııanyń baspasóz qyzmetinen habarlaǵandaı, kórkemfılm Almatyda «Arman» kınoteatrynda 14 sáýirde kórsetilse, 16 sáýirde - Taldyqorǵanda «Star cinema» kınoteatrynda, 20 sáýirde Qaraǵandydaǵy «Sary jaılaý» kınoteatrynda, 22 sáýirde Pavlodardaǵy Sh.Aımanov atyndaǵy kınoteatrda kórsetiledi. Fılm premerasy sondaı-aq Aqtaý, Oral, Óskemen, Shymkent jáne Taraz qalalarynda ótedi.
Esterińizge sala keteıik, kórkemfılmniń 7 sáýirde Astanada ótken tusaýkeserine Elbasynyń ózi qatysqan bolatyn.
Fılmniń avtorlary Shahımarden Qusaıynov jáne Rústem Ábdirash. Fılmniń stsenarııi N. Nazarbaevtyń «Ádilettiń aq joly», «Beıbitshilik kindigi», «Eýrazııa júreginde» atty shyǵarmalarynyń jelisimen jazylǵan.
