«Qazaqfılm» bıyl 14-ke jýyq tolyq metrajdy kórkem fılmdi, 50 serııadan turatyn
/strong>Naýryzdyń 25-si. QazAqparat /Názıra Eleýhan/ - «Qazaqfılm» bıyl 14-ke jýyq tolyq metrajdy kórkem fılmdi, 50 serııadan turatyn "Qazaq eli" atty anımatsııalyq serıaldy, 10-nan astam derekti fılmderdi óndiriske jiberdi.
Bul týraly búgin Almatyda «Qazaq kıno panoramasy 2008-2010» atty shyǵarmashylyq konferentsııanyń nátıjelik «dóńgelek ústel» otyrysy barysynda Sh. Aımanov atyndaǵy «Qazaqfılm» ulttyq kınostýdııasynyń bas redaktory Dıdar Amantaı málim etti, dep habarlaıdy QazAqparat.
Onyń aıtýynsha, ótken jyly 10 tolyq metrajdy fılm, bıyl 14-ke jýyq tolyq metrajdy kórkem fılm óndiriske jiberilgen. "Onyń syrtynda 3 debıýttik fılm bar jáne 9-ǵa tarta qysqa metrajdy kórkem fılmderdi de óndiriske jiberýdi josparlap otyrmyz. Sonymen qatar, «Qazaqfılm» qazaq kıno tarıhynda tuńǵysh ret tolyq metrajdy anımatsııalyq fılmdi óndiriske jiberdi. Bul qazaq kıno tarıhyndaǵy tuńǵysh joba. Bıyl sondaı-aq, qolǵa alyp otyrǵan 10-nan asa derekti fılmderdiń ishinde Baýyrjan Momyshulyna arnalǵan derekti fılm bar. Ony 9-shy mamyrǵa deıin ekranǵa, televıdenıege shyǵarýdy josparlap otyrmyz. Sondaı-aq biz Muhtar Maǵaýın, Ábish Kekilbaıuly syndy tulǵalarymyzǵa derekti fılmder arnap otyrmyz", dedi «Qazaqfılmniń» bas redaktory Dıdar Amantaı.
