«Qazaqfılm» aýmaǵynda AEA qurylady

NUR-SULTAN. QazAqparat - Sh.Aımanov atyndaǵy «Qazaqfılm» kınostýdııasy aýmaǵynda arnaıy ekonomıkalyq aımaq qurylady. Bul týraly búgin QR Mádenıet jáne sport mınıstrligi Zań qyzmeti departamentiniń dırektory Kúmis Seıitova aıtty, dep habarlaıdy QazAqparat tilshisi.

«Qazaqfılmdi» jabý oıymyzda joq. Biz kınosýtdııany damytýdy josparlap otyrmyz. Qazirgi ýaqytta kınostýdııa aýmaǵynda arnaıy ekonomıkalyq aımaq qurý týraly sóz bolyp jatyr. Bul másele ázirshe talqylanýda, ol mınıstrliktiń ıdeıasy», - dedi Zań qyzmeti departamentiniń dırektory.

Onyń atap ótýinshe, mınıstrlik «Qazaqfılmniń» kıno fabrıka nemese óndiristik tseh retinde jumys istegendigin qalaıdy.

«Degenmen, qalaı bolǵanda da aqshany bólip otyrýshy bolǵandyǵyn qalamaımyz. 2019 jylǵa deıingi ahýalǵa toqtalsam, biz aqshany «Qazaqfılmge» jiberemiz. Al olar aqshany bólip, ózderinde túsirilim jumystaryn júrgizedi. Sýbmerdigerlerdi shaqyryp, ózderiniń aýmaqtarynda, ózderiniń aqshasyna, ózderiniń qural-jabdyqtaryna májbúrleıdi. «Qazaqfılshm» tóńireginde úlken syn da boldy», - dedi Kúmis Seıitova.

Aıta keteıik, búgin «Eýrazııa» kınofestıvaliniń aıasynda Qazaqstannyń Ulttyq kınony qoldaý memlekettik ortalyǵynyń tanystyrylymy bolǵan edi.