«Qazaqfılm» amerıkalyq kompanııamen birlesip serıal túsiredi
ALMATY. QazAqparat - «Qazaqfılm» kınostýdııasy «Jol joq» /«No Exit» jobasy sheńberinde AQSh-tyń beldi kınokompanııasymen birlesip koprodýktsııa negizinde televızııalyq serıaldy túsirýdi josparlap otyr, dep habarlaıdy QazAqparat kınostýdııaǵa silteme jasap.
«Jol joq» kórkem fılmi Qazaqstanda fentezı/horror janrynda túsirilgen. Bul kartınany shyǵarýda túrli ult ókilderinen quralǵan prodıýserler, atap aıtsaq, amerıkalyq Sara Lýız Ýılson, halyqaralyq kásipqoı maman Darıo Kırola, sondaı-aq otandyq Aıgúl Sydyqova jumys istedi. Sondaı-aq Sara Ýılson bul jobada rejısser ári stsenarıı avtory boldy, al otandasymyz Sydyqova bolsa fılmde basty keıipkerdiń rólin somdady. Fılmdi qazaqstandyq ActionLab atty táýilsiz art-stýdııasy jáne lıvandyq Littletree Films atty táýelsiz kompanııalary birlesip túsirgen.
Bul fılm jaqynda ǵana Kalıfornııadada ótken Mammoth Lakes Film Festival festıvalinde úsh birdeı júldege ıe boldy. Kórermender kózaıymy júldesi, úzdik sheteldik baıandaıtyn fılm úshin qurmetti syılyǵy jáne Panavision Award júldesi. Kınotýyndy Danııar esimdi jas jigittiń ómiri týraly baıandaıdy.
Sara Lýız Ýılson amerıkandyq stsenarıı jazýshy, rejısser ári prodıýser. Sondaı-aq ol birneshe fılmge túsken. Mysaly, «Djellı» atty romantıkalyq komedııada ol basty róldi somdaǵan (Natasha Lıonn jáne Ed Makmahonmen birge). Ýılson bul fılmniń stsenarııin de jazǵan. Odan bólek ol ol biraz ýaqyt Qazaqstanda turyp, ActionLab art-stýdııasynda rejısserlik sheberlikten dáris bergen.
- «Jol joq» fılminde men qadamdaryn endi basqan jas qazaqstandyq aktelermen jumys istedim, olar meniń stýdentterim bolǵan, - dedi Ýılson.
«Qazaqfılm» kınostýdııasy «Jol joq» fılminiń basty taqyrybyn damytyp, halyqaralyq tabysty joba etip, televızııalyq serıal túsirýdy kózdep otyr.
