«Qazaqfılm» AQ prezıdenti Baqyt Qaıyrbekov qyzmetinen ketti
ALMATY.QazAqparat - Sháken Aımanov atyndaǵy «Qazaqfılm» AQ prezıdenti qyzmetinen ketti. Bul týraly kınostýdııanyń baspasóz qyzmeti málim etti, dep habarlaıdy QazAqparat tilshisi.
«Búgin Baqyt Qaıyrbekov ujymymen qoshtasyp, aldaǵy ýaqytta qaı jerde jumys isteıtininiń belgisiz ekenin, shyǵarmashylyqpen aınalysatynyn jetkizdi»,- dedi «Qazaqfılm» AQ baspasóz qyzmetiniń ókili Baýyrjan Úsenov.
Baqyt Qaıyrbekov - aqyn, rejısser, stsenarıst, 10 poetıkalyq jınaqtyń jáne kóptegen derekti fılmderdiń avtory.
Qazaqstan Jazýshylar odaǵynyń, Qazaqstan kınematografıster odaǵynyń múshesi. Ol «Bilim jáne medenıet» telearnasynyń dırektory boldy.
Qazaqstannyń eńbek sińirgen qaıratkeri. Táýelsizdiktiń 10 jyldyǵyna arnalǵan merekelik medalimen, «Qurmet» ordenimen marapattalǵan.
«Qazaqfılmniń» jańa prezıdentiniń esimi áli jarııa etilgen joq.
