17:24, 01 Naýryz 2015 | GMT +6
«Qazaqfılm» AQ qazaq handyǵynan syr shertetin tarıhı-dramalyq telehıkaıaǵa túsýge úmitkerlerdi iriktemek
ASTANA. QazAqparat - Sh.Aımanov atyndaǵy «Qazaqfılm» AQ Rústem Ábdirashevtiń «Qazaq handyǵy» jumystyq ataýymen atalatyn tarıhı-dramalyq televızııalyq serıal túsirilimine kastıng jarııalaıdy.
Kastıngke sporttyq dene bitimi bar, boıy 170 sm kem emes, 17-45 jas aralyǵyndaǵy er adamdar qatysa alady. Sonymen qatar telehıkaıa túsirilimine 17 men 60 jas aralyǵyndaǵy er jáne áıel adamdar qajet. Úmitkerlerdiń akterlik tájirıbesi bolǵany abzal, sondaı-aq kastıngtiń mindetti sharty - qazaq tilin jetik meńgergen bolýy jáne atpen salt júre bilýleri qajet. Іrikteýge qatysýǵa nıet bildirýshiler fotosýretteri men saýalnamalaryn kaz.hanstvo@mail.ru elektrondyq poshtasyna jibere alady, dep habarlanǵan QR Mádenıet jáne sport mınıstrliginiń resmı saıtynda.
