«Qazaqfılm» Adolf ıAnýshkevıch jaıly fılm túsirip jatyr

NUR-SULTAN. QazAqparat - Petropavlda «Jańǵyryq» fılminiń túsirilimi bastaldy, dep habarlaıdy QazAqparat.

Bul jaıynda Sháken Aımanov atyndaǵy «Qazaqfılm» kınostýdııasy málimet taratty.

«Jańǵyryq» - Satybaldy Narymbetovtiń burynnan kókeıinde jatqan jobalardyń biri. Fılm qazaq dalasyna jer aýdarǵan revolıýtsıoner, qundy etnografııalyq jazbalar qaldyrǵan polıak jazýshysy Adolf ıAnýshkevıchtiń taǵdyry týraly baıandaıdy. Kınotýyndyny rejısser Satybaldy Narymbetovtiń uly - Asqar-Muhıt Narymbetov túsirip jatyr» delingen kınostýdııa taratqan habarlamada.

ıAnýshkevıchtiń qazaq dalasyndaǵy saıahaty Kenesary hannyń sońǵy shaıqasymen sáıkes keledi desedi. Dál osy epızodty Satybaldy Narymbetov óz fılminde túsirip úlgermegen eken.

Eske sala keteıik, jobanyń túsirilimi 2019 jyldyń aqpan aıynda bastalǵan bolatyn.

Qazirgi tańda túsirilim Petropavl qalasynda ótip jatyr.

Túsirilim toby bul jerde aıdyń sońyna deıin túsirip, keıin túsirilimdi Almaty oblysynda jalǵastyrýdy josparlap otyr.