«Qazaqavtojol» JShS satylatyn boldy

ASTANA. QazAqparat - «Qazaqavtojol» JShS satylatyn boldy, dep habarlaıdy QazAqparat tilshisi.

QR QM memlekettik múlik jáne jekeshelendirý komıtetinen (gosreestr.kz) belgili bolǵandaı, JShS-nyń bastapqy baǵasy 18,5 mlrd teńgege (naqtyraq, 18 583 219 000 teńge) baǵalanǵan. Kepildik jarna - 2,7 mlrd teńge.

Tenderlik sharttarǵa sáıkes, senimgerlik basqarý merzimi 3 jylǵa beriledi. Osy ýaqyttyń ishinde satyp alýshy senimgerlik basqarý merzimi ishinde qyzmet beıinin saqtaı otyryp, mamandandyrylǵan jol-paıdalaný tehnıkasy men avtokólikti (keminde 300 birlik), jabdyqty (keminde 200 birlik) satyp alýdy qamtamasyz etýi tıis.

Sonymen birge, mamandandyrylǵan jol-paıdalaný tehnıkasy men avtokóliktiń jalpy sanynan keminde 90 paıyzy jaramdy jaı-kúıde ustalýy kerek.

Tenderdiń sharttarynyń bárin de myna silemeden kórýge bolady.