«QazaqAvtoJol» ıeligindegi 1117 tehnıkanyń jartysy eskirgen – mekeme dırektory
QR Indýstrııa jáne ınfraqurylymdyq damý mınıstrligi Avtomobıl joldary komıtetiniń uıymdastyrýymen ótken ZOOM formatyndaǵy keńeste respýblıkalyq mańyzy bar joldardy kútip ustaý, jaýapty vedomstvolardyń qysqy maýsymǵa ázirligi talqylandy. Keńeste sóz alǵan «QazaqAvtoJol» JShS bas dırektory Samat Qýanyshuly bıylǵy qysty oıdaǵydaı ótkizý úshin jeke menshikten 400 tehnıkany jalǵa alý týraly kelisimshart jasalý qajettigin atap ótti.
«QazaqAvtoJoldy» túrli mekemelerge berip, talaı eksperıment jasaldy. Qazir bizge 2836 tehnıka qajet. Qolymyzda tek 1117 tehnıka bar. Onyń 524-i keıingi 3 jyldan beri eshqandaı jóndeý kórmegen. Olardy balanstan alyp, esepten shyǵarýǵa daıyn tur. Sondyqtan jóndeýge, qosalqy bólshekter alýǵa 500 mln teńge bólip otyrmyz. Bul jeke menshikte bolǵannyń da áseri dep esepteımiz. Biraq bizge qosymsha bólingen aqshaǵa 400 tehnıkany jalǵa alý týraly kelisimshart jasaý úshin portalǵa tender shyǵardyq. Bul endi uzaqtaý protsess», - dedi seriktestiktiń bas dırektory.
Sondaı-aq kompanııa eńbekaqy 30 paıyzǵa artqanmen, bilikti mamandardy ustap turýda qıyndyq bar ekenin jetkizdi.
«Sizderdiń qoldaýlaryńyzben eńbekaqy mólsherin 30 paıyzǵa kóbeıttik. Sondyqtan jumysshylar tapshylyǵy sál seıildi. Biraq joǵary bilikti mamandardyń kóptep ketýi yqtımal», - dedi Samat Qýanyshuly.
