Qazaq zııalylary elde qalyptasqan jaǵdaıǵa baılanysty halyqqa úndeý jarııalady
NUR-SULTAN. QazAqparat - Qazaqstan Jazýshylar odaǵy bastama kóterip, elimizde qalyptasqan jaǵdaıǵa baılanysty Qazaq Eline úndeý jarııalady. Úndeýge ádebıet, óner, ǵylym salasynyń ókilderi qol qoıǵan. QazAqparat osy úndeýdiń mátinin taratady.
QAZAQ ELІNE ÚNDEÝ
Qadirli baýyrlar!
Biz - ádebıet jáne óner qaıratkerleri, eldegi jaǵdaıǵa úlken alańdaýshylyq bildirip, kelesini málimdeımiz.
Elimizde qalyptasyp otyrǵan qoǵamdyq-saıası jaǵdaı óte kúrdeli.
Іshten shyqqan jaý men syrttan soqqan jaýdyń qıturqy áreketteriniń nátıjesinde, el ishi búlinip, qalalarymyz qırap, strategııalyq nysandarymyz otqa oranyp, beıbit turǵyndarymyz zardap shegip jatyr.
Іri saýda ortalyqtary tonalyp, bankter men qoǵamdyq oryndar talqandalyp, jaramsyz bop qaldy.
Sulý Almatymyz áli kúnge deıin qara tútinge tunshyǵyp tur. Turǵyndarymyzdyń kózinde úreı, júreginde alań ornap aldy.
Syrttan muzdaı qarýlanǵan ekstremısttik toptar el ishin ala taıdaı búldirip, tynysh ómirimizge oıran saldy.
Mundaı sumdyq oqıǵalardy Qazaqstan buryn-sońdy kórgen emes.
Ózderiniń pasyq múddeleri úshin halyq pen qalalardy qurbandyqqa shala salýǵa da baryn salatyn zymııan adamdardyń mundaı óreskel áreketterin zııaly, kózi ashyq azamattar kórip otyr jáne qatań aıyptaýda.
Sondyqtan, osyndaı alaǵaı da bulaǵaı shaqta, elimiz úshin tarıhı syn saǵatta biz zańdy túrde saılanǵan, barlyq quzyretti qolyna alǵan Prezıdentimiz Qasym-Jomart Kemeluly Toqaevtyń qasynaa toptasyp, birlese qımyldap, eldegi jaǵdaıdy turaqtandyrýǵa tıispiz.
Jáne kúlli Alash jurtyn bir jaǵadan bas, bir jeńnen qol shyǵaryp, bir bolýǵa shaqyramyz!
Qolymyzdaǵy eń qasıetti, eń kıeli dep sanalatyn ardaqty Táýelsizdigimizdi saqtap qalaıyq! El aman bolsyn!
Qurmetpen,
1. Asanáli Áshimov;
2. Sábıt Orazbaev;
3. Seıit Qasqabasov
4. Nurǵalı Núsipjanov
5. Dýlat Isabekov
6. Kádirbek Segizbaev
7. Beksultan Nurjekeev
8. Temirhan Medetbek
9. Jabal Erǵalıev
10. Moldahmet Qanazov
11. Altynbek Qorazbaev,
12. Doshan Joljaqsynov
13. Ulyqbek Esdáýlet
14. Talǵat Temenov
15. Seken Turysbekov
16. Nesipbek Aıtuly
17. Júrsin Erman
18. Roza Rymbaeva
19. Mereke Qulkenov
20. Qulbek Ergóbek
21. Kenjehan Matyjanov
22. Anar Fazyljan
23. Baýyrjan Jaqyp
24. Dúken Másimhan
25. Bekjan Turys
26. Maraltaı Raıymbekuly
27. Dáýren Qýat
28. Sáken Sybanbaı
29. Baqyt Bedelhan
30. Meırambek Besbaev
31. Dáýletkereı Kápuly
32. Erǵalı Ábdiraıym
33. Aqberen Elgezek
