Qazaq zııalylary «Alash qaıratkerleri» eskertkishine gúl shoqtaryn qoıdy
Bul rásimge QR Memlekettik hatshysy Erlan Qarın, Nur-Sultan qalasynyń ákimi Altaı Kólginov, zııaly qaýym ókilderi, Qazaqstan Jazýshylar odaǵynyń tóraǵasy Ulyqbek Esdáýlet, L.N. Gýmılev atyndaǵy Eýrazııa ulttyq ýnıversıtetiniń rektory Erlan Sydyqov qatysty.
Aıta keteıik, alleıa mańynda shaǵyn kitaphana ornalasqan, onda A. Baıtursynulynyń eńbekteri jáne basqa da qazaq jazýshylarynyń shyǵarmaly kópshilik nazaryna usynyldy.
«Ortalyqtandyrylǵan kitaphanalar júıesi Ahmet Baıtursynulynyń 150 jyldyq mereıtoıyna oraı birqatar is-sharalardy josparlady. Bul rette kórmeler, konferentsııalar, mektep oqýshylary arasynda shyǵarma jazý eskerilgen. Búgin «Alash qaıratkerleri» eskertkishine gúlshoqtaryn qoıý rásimine qatystyq. Sonymen qatar qazaq zııaly qaýymy eńbekteriniń kórmesin de uıymdastyrdyq. Bizdiń kitaphana ótken jyly ashylǵan edi. Jalpy bizde qala boıynsha 18 kitaphana qamtylǵan. Búgingi kórmede túrli kitaphanadan jetkizilgen shyǵarmalar men kitaptardy kórýge bolady», - dedi
Nur-Sultan qalalyq ortalyqtandyrylǵan kitaphanalar júıesiniń dırektory Gúlbadan Mádıbaeva
Budan buryn habarlanǵandaı, elordada Ahmet Baıtursynulynyń 150 jyldyǵyna arnalǵan halyqaralyq ǵylymı-praktıkalyq konferentsııa bastaldy.
«Halqymyz óziniń tarıhynda erekshe oryny bar eki tulǵany «Ult ustazy» dep ardaqtaǵan. Aldymen, árıne, uly Abaıdy aıtamyz. Odan keıin Ahmet Baıtursynulynyń esimi atalady. Alash kósemi, qazaqtyń birtýar perzenti Ahmet Baıtursynulynyń týǵanyna bıyl 150 jyl tolyp otyr. Bul mereıtoıdy ıÝNESKO deńgeıinde atap ótemiz. Táýelsizdik ultymyzdyń jadyn jańǵyrtyp, tarıhı tamyrymyzdan qaıtadan nár alýymyzǵa jol ashty. Bul rette ult ustazynyń eńbegin zerdelep, ony mol murasyn urpaq sanasyna sińirý barshamyzǵa ortaq mindet», - dedi Memlekettik hatshy E. Qarın.
