«Qazaq jýrnalısteriniń halyqaralyq І forýmynda» BAQ jáne ulttyq rýh máseleleri qaralatyn bolady
ALMATY. Qazannyń 2-si. QazAqparat /Ádilet Musahaev/ - Jeltoqsan aıynda ótetin «Qazaq jýrnalısteriniń halyqaralyq І forýmynda» qazaq jýrnalıstıkasynyń ózekti máseleleri kóteriletin bolady. Bul týraly búgin ótken baspasóz máslıhatynda forýmdy uıymdastyrýshylar málim etti,
dep habarlaıdy QazAqparat.
Astana qalasynda ótetin atalmysh forýmda ulttyń damýyna baılanysty qandaı máselelerdi kóterý kerektigi, qazaq gazetiniń taralymy jáne maman daıyndaý jaıynda árbir aımaqtaǵy jýrnalıster bas qosyp, talqylaıtyn bolady.
«Bul forýmnyń maqsaty - qazaq jýrnalısterin biriktirip, bir-birimizge qoldaý kórsetip, árqashanda yntymaqtasyp, saıası-qoǵamdyq kúsh retinde ortaq qazaq úshin qyzmet atqarý. Oǵan alys-jaqyn shetelderden de jýrnalıster keledi, jalpy 200-den astam adam bolady dep kútilýde. Onda barlyq basylym ókilderi dóńgelek ústel basynda bas qosyp, bılik jáne buqaralyq aqparat quraldary, BAQ jáne ulttyq rýh jáne jarnama máselesin talqylamaq», deıdi jýrnalıst Berik Ýálı.
«Qazaq baspasóziniń máselesi árdaıym shette qalyp otyrdy. Bárimizdiń kóterip otyrǵan máselemiz bir, mine 10-20 jyldan keıin qandaı bolamyz, meniń óz túsinigimde 30 jyldan keıin qazaqstandaǵy bılik qazaq tilinde ǵana sóıleıdi. Ol men úshin anyq nárse, biraq soǵan biz daıynbyz ba degen suraq týyndaıdy. Bizdiń aldymyzdaǵy 15 jyldaǵy úlken másele latyn árpine kóshý, soǵan bizdiń baspasóz daıyn ba, daıyn emes pa? Ol úshin qandaı qadamdar jasaý kerek, al biz latyn árpine kóshkende Mońǵolııadaǵy, Reseıdegi kırıllıtsamen jazyp jýrgen jáne Qytaıdaǵy tóte jazýmen jazyp júrgen qazaqtar bar, solardyń bárimen ortaq keńistikti saqtaı alamyz ba degen áńgimeni qozǵaýymyz kerek sııaqty. Bizdiń uıymdastyrýshy retindegi ótinishimiz bárimiz belsendilik tanytyp, abay.kz portalynda óz oılaryńyzdy, usynystaryńyzdy jetkizseńizder eken», deıdi Aıdos Sarym.
