Qazaq jýrnalısteriniń halyqaralyq forýmyn ótkizý qajet - Mońǵolııalyq jýrnalıst
ASTANA. 26 mamyr. QazAqparat /Rýslan Ǵabbasov/ - Qazaq jýrnalısteriniń halyqaralyq forýmyn ótkizý qajet.
Bul jaıynda búgin Astanada ótken «Sheteldegi qazaqtarǵa arnalǵan BAQ: qazirgi jaǵdaıy jáne máseleleri» atty dóńgelek ústelde Mońǵolııa qazaq áıelderi «Arýlar odaǵynyń» tóraıymy, «Arýlar-juldyz» jýrnalynyń bas redaktory Aınagúl Saraıqyzy málim etti.
«Reseı, Ózbekstan, Qytaı, Mońǵolııa jáne basqa da memeleketterde qazaqtar shoǵyrlanǵanyn bilesizder. Olarǵa biz shamamyz kelgenshe qazaq tilinde aqparat taratyp turamyz. Al Táýelsizdik alǵannan bergi 20 jyl ishinde qazaqtardyń arasynda halyqaralyq deńgeıde jýrnalısterdiń forýmy ótken joq»,-dep eskertip ótti A. Saraıqyzy.
Onyń sózine qaraǵanda, sheteldegi qazaq tildi jýrnalısterdiń, telearnalardaǵy dıktorlardyń tájirıbe almasýy úshin osyndaı jıyndar ótkizgen abzal. «Sondyqtan da atamekenimiz Qazaqstanda tájirıbe alyp, biliktilikti arttyrýǵa jaqsy múmkindik bolar edi»,-dedi bas redaktor.
Óz kezeginde QR Baılanys jáne aqparat mınıstrliginiń Jaýapty hatshysy Qaırat Ábsattarov atalǵan forýmdy uıymdastyrý kerektigin aıtyp ótti. «Keleshekte osyndaı forýmdy ótkizý kerektigin eskerýimiz qajet. Endi bul máseleni bıýdjettik turǵydan qarajatty qarastyrý, uıymdastyrý sharalaryn tapsyrma retinde bekitý kerek»,-dedi Jaýapty hatshy. Sonymen qatar Q. Ábsattarov Qazaqstannyń jetekshi buqaralyq aqparat quraldarynyń sheteldegi tilshiler qosyny arqyly da ózara yqpaldasyp, tájirıbe almasý sharalaryn paıdalaný qajet ekenin atap ótti.
Aıta keteıik, dóńgelek ústel Astanadaǵy Dúnıejúzi qazaqtarynyń IV Quryltaıy aıasynda uıymdastyrylyp otyr. Oǵan Qytaı, Reseı, Ózbekstan, Mońǵolııa, Túrkııa, Germanııa, Iran, Qyrǵyzstan elderinen kelgen delegatsııa músheleri men elimizdegi jetekshi buqaralyq aqparat quraldarynyń basshylary qatysty.
