Qazaq juldyzdary avstrııalyqtardy tánti etti
ASTANA. QazAqparat - Avstrııanyń Gýtenbrýnn atalatyn kishigirim mekeninde qazaq klassıkteriniń týyndylary oryndaldy. Qazaqtyń tilin túsinbese de, Eýropa jurty baǵa jetpes óner men sulýlyqtyń tilin túsinedi.
Jıylǵan halyq Muqan Tólebaev, Latıv Hamıdı, Ǵazıza Jubanova, Mansur Saǵatov, Evgenıı Brýsılovskıı sekildi basqa da álemdik klassıkter men qazaqtyń halyq ánderin tyńdap, oryndaýshylarǵa tánti bolyp qaıtty. Qazaq halqynyń keńpeıil kóńili men baıtaq dalasynyń darhandyǵyn Avstrııa jurty án arqyly túsingen syńaıly. Zal toly kórermen shapalaqtaryn aıamaı, keýdeni kernegen qýanyshtaryn jasyra almady. Bunyń barlyǵy ánshilerge kórsetilgen qurmet edi, dep jazady khabar.kz.
