Qazaq jigiti «Qytaıdyń boks koroli» atandy
ASTANA. QazAqparat - Jyl saıynǵy Qytaıdyń «Boks koroli» chempıonatynyń 2017 jylǵy dodasy qorytyndylandy, dep habarlaıdy QazAqparat.
6 qańtar kúni Hańjoý qalasynda 75 kelige deıingi salmaqta kezdesýler ótip, shynjańdyq qazaq boks sheberi Toqtarbek Tańatqan osy dodanyń chempıony Ýyn Inhańdy utyp, «korol» chempıondyq beldigin jeńip aldy.
People Daily portalynyń habarlaýynsha, onyń bul jolǵy qarsylasy Ýyn Inhań budan buryn Tıanjınde ótken bokstan el birinshiliginde 75 kelige deıingi salmaq sanaty boıynsha altyn medal ıegeri, sonymen qatar osy týrnırdiń eki márte «Qytaıdyń boks koroli» atanǵan.
Al Toqtarbek Tańatqan keıin shyqqan boksshy. Ol buǵan deıin osy atalǵan jarysqa qatysyp, kúmis medal enshilegen. Onyń sol kezdegi qarsylasy da dál osy Ýyn Inhań bolǵan eken.
Bul jolǵy 8 raýndqa sozylǵan aıqasta tóreshiler 2:1 degen eseppen Toqtarbek Tańatqanǵa 2017 jylǵy bokstan Qytaıdaǵy «boks koroli» ataǵyn bergen.
