Qazaq jerinen dárilik shóp jınap júrgen qytaılyqtar ustaldy
ASTANA. QazAqparat - Qazaq-qytaı shekarasyndaǵy Jońǵar Alataýyndaǵy Jarkent shekara otrıadyna qarasty «Almaly-sý» zastavasynyń shekarashylary Qazaqstanda qyzyl kitapqa engizilgen pııaý jınap júrgen belgisiz tórt qytaılyq azamatty ustady.
Bul týraly QR UQK ShQ baspasóz qyzmetinen habarlady.
Ustalǵan adamdar Qytaı eliniń azamattary bolyp shyqty. Olar Qazaqstan Respýblıkasynyń aýmaǵynda pııaý dep atalatyn dárilik shópterdi zańsyz jınap júrgendikterin moıyndady. Jeke zattaryn qaraý kezinde salmaǵy 20 kelideı bolatyn atalǵan shóptiń tamyry men ony qazýǵa qajetti qural-saımandar tabyldy. Atap óteıik, pııaý degenimiz qytaı medıtsınasynda dári jasaý úshin keńinen qoldanylatyn dárilik shóp bolyp tabylady. Anyqtaý sharalaryn júrgizý úshin ustalǵandar quqyqqorǵaý organdaryna berildi. Olardy QR QK 391-baby 1-bóliginiń 3-tarmaqshasy boıynsha (memlekettik shekaranyń rejımin buzý) jaýapkershilikke tartý kózdelip otyr.
