Qazaq jeri órkenıetter dıalogynyń ornyna aınaldy - Nursultan Nazarbaev

NUR-SULTAN. QazAqparat - Qazaq jeri órkenıetter dıalogynyń ornyna aınaldy. Bul týraly búgin Qazaqstan halqy Assambleıasynyń XXVII sessııasynda QR Tuńǵysh Prezıdenti - Elbasy Nursultan Nazarbaev aıtty, dep habarlaıdy QazAqparat tilshisi.

"Biz halyqaralyq qoǵamdastyqqa beıbitshilik pen kelisimniń barlyq qundylyqtaryn ilgeriletýge tyrysamyz. Qazaqstan jeri órkenıetter dıalogynyń ornyn aınaldy. 2003 jyldan beri elordamyzda turaqty túrde sezd ótip, oǵan barlyq álemdik jáne dástúrli dinderdiń ókilderi qatysady. Álemde olardyń barlyǵy birge jınalatyn basqa jer tabylǵan joq", - dep atap ótti Nursultan Nazarbaev.

Elbasy Qazaqstan álemge tıimdi bitimger retinde de keńinen tanymal bolyp otyrǵanyn basa aıtty.

"Bizdiń ultaralyq beıbitshilik pen kelisim tájirıbemiz baıaǵydan-aq BUU, EQYU, ShYU, AÓSShK syndy kóptegen halyqaralyq alańda tanylǵan. Sonymen qatar Qazaqstan álemde tıimdi bitimger retinde tanymaldyqqa ıe. Sondyqtan bizge jaqyn jáne shalǵaı jatqan kórshiler senim artady. Bul kezdesýlerdiń barlyǵyn bizde ótkizedi", - dedi Qazaqstannyń Tuńǵysh Prezıdenti.