Qazaq jeri Músilim Magomaevtyń shyǵarmashylyq jolyndaǵy eń alǵashqy soqpaqtardyń biri - T. Sınıavskaıa
ASTANA. 21 qyrkúıek. QazAqparat - Qazaq jeri Músilim Magomaevtyń shyǵarmashylyq jolyndaǵy eń alǵashqy soqpaqtardyń biri boldy.
Qazaqstan ony birden kótermelep áketti, al Músilim sol ystyq yqylasty óle-ólgenshe júreginde saqtady.
Bul týraly búgin Astanadaǵy «Qazaqstan» kontsert zalynda KSRO ártisi, ataqty ánshi Músilim Magomaevty eske alý keshine arnalǵan baspasózmáslıhatynda ánshiniń jubaıy, KSRO halyq ártisi Tamara Sınıavskaıa aıtty. Onyń aıtýynsha, Músilim Magomaev Qazaqstanda ótken ǵasyrdyń 60 jyldary gastroldik saparmen bolǵan.
«Men qazaqstandyqtarǵa osyndaı sharany uıymdastyryp otyrǵany úshin sheksiz rızamyn. Osynda ótip jatqan barlyq sharalar Músilimge laıyq bolǵandyqtan, qatty tolqyp otyrmyn», - dedi ol.
Baspasóz máslıhatyna, sondaı-aq, RF-nyń halyq ártisi Lev Leşenko da qatysty. Ol búgingi Músilim Magomaevtyń 70 jyldyǵyna arnalǵan keshte án aıtý úshin arnaıy shaqyrylǵan.
Sonymen qatar, baspasóz máslıhatynyń aldynda M. Magomaevtyń ómiri men shyǵarmashylyǵyna arnalǵan fotokórme men qazaqstandyq jas sýretshilerdiń qolymen salynǵan sýretterdiń kórmesi ótti.
