Qazaq jazýshysy, satırık M. Rásh 80 jyldyq mereıtoıyn atap ótýde
ASTANA. 20 qarasha. QazAqparat /Jasulan Amanbaıuly/ - Keshe, 19 qarashada Astanadaǵy QR Prezıdenttik mádenıet ortalyǵynda tanymal satırık-jazýshy, jyrshy, QR eńbek sińirgen mádenıet qyzmetkeri Myńbaı Ráshtiń shyǵarmashylyq keshi ótti.
Bıyl qazaq ádebıetiniń aqsaqalyna 80 jas tolyp otyr. Mereıtoı ıesi 60 jylǵa tarta ǵumyryn ádebıet jáne jýrnalıstkaǵa arnaǵan. Onyń bul keshi Qurban aıt merekesimen tuspa-tus kelip otyr. Ol sahnaǵa shyǵyp, satıraǵa kósher aldynda eń aldymen óziniń jeke shyǵarmashylyq keshin uıymdastyrýǵa atsalysqan áriptesterine alǵys aıtty jáne zalǵa jınalǵan qaýymǵa rızashylyq bildirdi.
Jazýshy-satırık M. Rásh ár jyldary «Lenınshil jas», «Ara» basylymdarynda bólim meńgerýshisi, «Qazaqstan» baspasynda bas redaktor qyzmetterin atqarǵan. Ol qazaq tilinde jazatyn prozaık retinde de áıgili. Onyń «Qııal qanaty» (1964), «Terek pen tikenek» (1978), «Sýyldaq» (1989) kitaptary oqyrmandar arasynda keńinen tanymal. Jazýshy, pýblıtsıst óziniń feletondaryn, novellalaryn, pamfletterin, kósemsóz ben jolsapar ocherkterin ártúrli basylymdarda búgingi ýaqytqa deıin úzbeı jarııalap keledi.
Qalamgerdiń ádebı eńbegi zor baǵaǵa ıe bolyp, memleket tarapynan «QR eńbek sińirgen mádenıet qaıratkeri» ataǵy berilgen. Sonymen qatar M. Rásh «Eren eńbegi úshin», «Tyń jerlerdi ıgergeni úshin», QR Táýelsizdiginiń 10 jyldyǵy» medaldarynyń ıegeri.
