«Qazaq jaýyngeri» kezekti jeńisine qol jetkizdi
ASTANA.QazAqparat - 23 jastaǵy qytaıdaǵy qazaq boksshy, WBO tujyrymy boıynsha jeńil salmaqta (53,5 kelige deıin - 118 fýnt) Azııa chempıony Elshat Nyǵmatollauly (11-0-1, 3KO) 15 jeltoqsan kúni kásipqoı bokstaǵy 12-shi jekpe-jeginde jeńiske jetti, dep habarlaıdy QazAqparat.
«Qazaq jaýyngeri» laqap atymen tanymal Elshat kezekti jekpe-jegin qytaıdyń Gýandýn provıntsııasy Chjýnshan qalasynda ındonezııalyq boksshy Rıkı Manýfoeǵa (27-32-3, 10KO) qarsy ótkizdi. 8 raýndqa josparlanǵan beldesýde Elshat qarsylasy Rıkıdy 4-shi raýndtyń sońǵy mınýtynda tize búktirdi.
Aıta keteıik, Elshat Nyǵmatollauly Qazaqstandyq boksshy Qanat Islamnyń (25-0, 20KO) jerlesi.
