«Qazaq jaýyngeri» chempıondyq ataǵyn qorǵaıdy

ASTANA.QazAqparat -  «Qazaq jaýyngeri» laqap atymen sharshy alańǵa shyǵyp júrgen qytaıdaǵy qazaq boksshy Elshat Nyǵmatollauly (13-0-1, 5KO) 14 qyrkúıek kúni kezekti jekpe-jegin ótkizedi, dep habarlaıdy QazAqparat tilshisi.

Boxrec.com portalyndaǵy málmetterine súıensek, qandasymyz bul joly fılıppın boksshysy Eranıo Semıllanomen (16-8-3, 5KO) judyryqtasady, jekpe-jek 10 raýndqa josparlanǵan.

Sondaı-aq, «Qazaq jaýyngeri» bul aıqasta jeńil salmaqta (53,5 kelige deıin - 118 fýnt) WBC tujyrymy boıynsha Azııa chempıony tıtýlyn qorǵaıdy.

Aıta keteıik, Elshat Nyǵmatollauly qytaıda týyp-ósken ulty qazaq boksshy. 24 jastaǵy sportshy 2014 jyly kásipqoı boksqa aýysyp, bul kúnde WBO tujyrymy boıynsha qytaı chempıony jáne WBC tujyrymy boıynsha Azııa chempıony atanyp otyr.