«Qazaq jaýyngeri» qyrkúıekte rıngke oralady

ASTANA. KAZINFORM — Qytaıda týyp-ósip, «Qazaq jaýyngeri» laqap atymen kásipqoı boksta óner kórsetip júrgen qandasymyz Elshat Nyǵmetolla (19-0-1, 6KO) qyrkúıekte kezekti jekpe-jegin ótkizbekshi.

Irfin Promotions kompanııasynyń habarlaýynsha, otandasymyz 21 qyrkúıekte Almatyda ótetin kásipqoı boks keshinde sharshy alańǵa shyǵady.

Qarsylasy ázirge belgisiz.

Aıta keterligi, Elshat Nyǵmetolla kásipqoı boksta 2019 jyldan bastap Qazaqstannyń namysyn qoǵap júr. 

Elshat Nyǵmetolla — qazaqstandyq tanymal boksshy Qanat Islamnyń jerlesi.

30 jastaǵy sportshy 2014 jyly kásipqoı boksqa aýysyp, 2016 jyly WBO tujyrymy boıynsha Qytaı chempıony, 2018 jyly WBC tujyrymy boıynsha Azııa chempıony atanǵan bolatyn.