Qazaq jarnama jáne PR agenttigi ashyldy
ALMATY. 17 qańtar. QazAqparat - Astana qalasynda «Tarlan» Qazaq jarnama jáne PR agenttigin ashyldy. Onyń bas dırektory belgili jýrnalıst, jazýshy Jangeldi Estenbaev.
«Elimiz táýelsizdik alǵaly beri bıznes salasy qanshalyqty damyp, órkendese de, onyń negizgi qozǵaýshy kúshi - jarnama áli kúnge deıin qazaqshaǵa tolyqqandy kóshe almaı keledi. Ras, jarnamany qazaqshalaýǵa betburys baıqalady. Bul qubylys jarnamaǵa tapsyrys berýshilerdiń zań talaptaryn oryndaýǵa degen kózqarasynan seziledi. Mundaı ynta, yqylas bizdi qýantady. Desek te, eleýli qozǵalys týraly aıtýǵa kelmeıdi", - deıdi J. Estenbaev. Agenttik basshysynyń aıtýynsha, qazaqsha jarnamaǵa, qazaq jarnamashylaryna aıtylar syn kóp. Óıtkeni jarnama áý bastan ózge tilde daıarlanady, sosyn baryp ol qazaq tiline aýdarylyp beriledi. Ondaı jarnama qazaqtyń diline, ıaǵnı mentalıtetine sáıkes kelmeýi de múmkin. Jarnamany qazaq tiline aýdaryp berý az, ony túpnusqada qazaqsha daıyndaý kerek. Basqasha aıtqanda, jarnamany qazaqshalamaý kerek, ony qazaqylandyrý qajet.
