Qazaq jalqaý degen áńgimeden qutylý kerek - Elbasy

ASTANA. QazAqparat - Qazaq jalqaý degen áńgimeden qutylý kerek. Búgin Astanada Indýstrıaldy-ınnovatsııalyq damý baǵdarlamasynyń 2016 jylǵy I jartyjyldyq qorytyndysyna arnalǵan keńeste Memleket basshysy Nursultan Nazarbaev osylaı málim etti.

«Men árbir qazaqstandyqtyń erteńgi kúnge senimdi bolýyn qalaımyn.Ár talpynǵan azamattyń jumysy bolýy kerek, otbasyn asyraýǵa qajetti tabysy bolýy kerek. Biz osyǵan kómektesýge tıispiz. Kómekteskende oǵan beretin memlekettiń tegin taratylyp jatqan aqshasy joq. Ózbekte maqal bar: «Beker otyrǵansha beker jumys iste» degen. Sondyqtan da, biz de sony úırenýge tıispiz. Qazaq jalqaý degen anekdottan qutylý kerek», - dedi N. Nazarbaev.

Elbasynyń aıtýynsha, Qazaqstanda árbir azamattyń jumys taýyp, ómirin jaqsartýǵa barlyq jaǵdaı qarastyrylǵan. «Ákimder, mınıstrlikter birige otyryp osy sharýalardy atqarsaq - maqsatqa jetemiz», - dedi N. Nazarbaev.