«Qazaq zaǵıptar qoǵamynyń» prezıdenti B.Áýbákirov 7 jylǵa bas bostandyǵynan aıyryldy (FOTO)
ASTANA. QazAqparat - Búgin Astana qalasy Almaty aýdandyq soty «Qazaq zaǵıptar qoǵamy» qoǵamdyq birlestiginiń prezıdenti Baıbatyr Áýbákirovke qatysty úkim shyǵardy.
«Sot Áýbákirov Baıbolat Abaıulyn QR QK 176-baby 4-tarmaǵy B tarmaqshasynda, 148-baptyń 1-tarmaǵynda qarastyrylǵan qylmystarǵa kináli dep úkim shyǵardy. Oǵan tıesili múlikterdi tárkileı otyryp, 5 jyl laýazymdy qyzmetterdi atqarý quqyǵynan a ıyrý arqyly 7 jylǵa bas bostandyǵynan aıyrý jazasyn kesti», - dedi sot úkimin jarııa etken sýdıa Aıjan Quljanova.
Onyń málim etýinshe, B.Áýbákirov jazasyn jalpy rejimdegi kollonııada óteıtin bolady. Sonymen qatar, sot onyń sybaılasy Ádilet Ospanovany da QR QK 28-babynyń 5-tarmaǵyna, 176-baptyń 4-tarmaǵyna sáıkes, 3 jyl 6 aıǵa bas bostandyǵynan jáne 3 jylǵa laýazymdy qyzmetterdi atqarý quqyǵynan aıyrdy. «Qos» qoǵamdyq birlestiginiń paıdasyna B.Áýbákirovten 1 mlrd. 91 mln. 430 myń 952 teńge, sondaı-aq memleket kirisine 10 mln. 914 myń 309 teńge memlekettik salyq óndirilip alynsyn. Á.Ospanova men B.Áýbákirovten jalpy 28 mln. 263 myń 700 teńge, sonymen qatar, memleket kirisine 282 myń 637 teńge memlekettik salyq óndirilip alynady», - dedi A.Quljanova.
