Qazaq vıkıpedııasynyń jetistigi - Kaznet damýyndaǵy úlken jetistik - Almatydaǵy baspasóz máslıhaty
MATY. 2 qarasha. QazAqparat /Názıra Eleýhan/ -«Qazaqsha vıkıpedııa» jobasy - memlekettik tildiń qoldaný aıasyn ulǵaıtý men damytýǵa yqpal etken óte jetistikti joba. Qazaqsha vıkıpedııaǵa 100 000 maqala salyný, qysqa merzim ishinde qazaq tili vıkıpedııada jetilgen 40 tildiń qataryna enýi - el táýelsizdiginiń 20 jyldyǵyna jasalǵan keremet syılyq boldy. Bul týraly búgin Almatyda «Qazaqsha vıkıpedııa» jobasyna arnalǵan arnaıy baspasóz máslıhatynda QR Parlamenti Májilisiniń depýtaty Murat Ábenov aıtty.
"Bul joba qoǵam úshin, memlekettiń qarajatynsyz jasalyp jatqandyǵyn atap ótkim keledi. Paıda oılamaı, kerisinshe qoǵam úshin jasap jatqan ıgili isterine rızashylyǵymdy bildiremin. Bul úlken nátıjeli jetistik - qoǵamdyq uıymdardyń, el azamattarynyń, stýdentterdiń, eriktilerdiń birikken kúshiniń qaıyrymdy isi jáne sol ispen patrıottyǵymyzdy dáleldeıtin jarqyn mysal bolyp tabylady",-dep atap ótti Murat Ábenov.
«Qazkontent» AQ basqarma tóraǵasynyń orynbasary Vladımır Týtykınniń aıtýynsha, jobanyń jetistikpen iske asýy - ol kaznetti damytý qajet ekendiginiń mysaly bolyp tabylady. "Búginde bul salada aıtarlyqtaı úlken jetistikter bolýda. Qazirgi tańda elimizde 6-7 mıllıonnan asa ǵalamtordy qoldanýshylar bar jáne qazaq tilindegi kontent jyldan jylǵa ósip keledi. Bul óte jaqsy kórsetkish. Jobaǵa keletin bolsaq, bizdi bul jobanyń bilim beretin jáne patrıottyq aıshyǵy bolýy qýantady",-dedi ol.
