Qazaq UTÝ-de Ýnıversıtet kúni atap ótilýde
ALMATY. 20 qazan. QazAqparat - Búgin Almatydaǵy Q.I.Sátpaev atyndaǵy Qazaq ulttyq tehnıkalyq ýnıversıtetinde JOO-nyń kúnine arnalǵan saltanatty sharalar ótkizilýde.
Sharalar baǵdarlamasynda Q.I.Sátpaev eskertkishine gúl shoqtaryn qoıý, JOO ǵalymdarynyń eńbekteri men QazUTÝ týraly ádebıet qoıylǵan kitap kórmesin uıymdastyrý, sondaı-aq merekelik kontsert ótkizý josparlanǵan. Budan basqa, stýdentter ýnıversıtetke arnap flesh-mob ótkizdi.
JOO basshylyǵynyń aıtýynsha, QazUTÝ tarıhy 1933 jyldyń 20 qazanynan bastaý alady, sol kezde KSRO Halyq komıssarlar keńesiniń qaýlysymen Almaty qalasynda Qazaq taý-metallýrgııalyq ınstıtýtyn uıymdastyrý jóninde sheshim qabyldanǵan bolatyn. Bilim ordasynyń 78 jyldyq tarıhy bar, osy jyldary bul jerden 100 myńnan astam tehnıkalyq sala mamandary bolashaq ómirge attandy, olardyń arasynda Keńes Odaǵynyń batyrlary, «Halyq Qaharmandary», QR Parlamentiniń ókilderi jáne taǵy basqalar bar.
