Qazaq ultynyń bolashaǵy, tili men tarıhy máseleleri ulttyq kelisim ıdeıasy aıasynda sheshiletin bolady - N.Nazarbaev
sp;ASTANA. QazAqparat /Arman Asqarov/ - Aldaǵy ýaqytta qazaq ultynyń bolashaǵy, tili men tarıhy máseleleri ulttyq kelisim ıdeıasy aıasynda sheshiletin bolady.
Bul týraly búgin Aqordadan tikeleı jeli arqyly halyqpen tildesip jatqan QR Prezıdenti Nursultan Nazarbaev aıtty, dep habarlaıdy QazAqparat.
«Ulttyq kelisim - bizdiń basty artyqshylyǵymyz. Osynyń arqasynda bizdiń memleketimiz damyp, halyqtyń ál-aýqaty jaqsarýda. Bul bizdiń negizimiz desek bolady. Munda eshbir saıası kúshter joq. Osyny barlyq qazaqstandyqtar tereńdeı túsinýleri tıis. Aldaǵy ýaqytta da biz osy negizde memleket pen ekonomıkany damytamyz. Onyń ishinde qazaq ultynyń bolashaǵy, tili men tarıhy máseleleri osy ulttyq kelisim ıdeıasy aıasynda sheshiletin bolady», - dedi QR Prezıdenti.
Elbasy atap kórsetkendeı, Qazaqstan halqynyń basty ulttyq kelisim ıdeıasy ortaq tarıh, ortaq qundylyqtar men ortaq bolashaq tuǵyrlaryna negizdelmek.
