Qazaq Ulttyq ýnıversıteti Uly Otan soǵysynyń ardagerimen kezdesý ótkizdi

ALMATY. Sáýirdiń 14-i. QazAqparat / Ádilet Musahaev / - Búgin ál-Farabı atyndaǵy Qazaq Ulttyq ýnıversıteti murajaıynda Uly Jeńistiń 65 jyldyq mereıtoıyna arnalǵan «Jaýyngerlik sabaǵy: qaharmandyq, jaýyngerlik jáne dańq haqynda birer sóz» atty shara ótti,

dep habarlaıdy QazAqparat.

Til jáne tárbıe jumysy jónindegi prorektor Jamanbalaeva Sholpan Erbolqyzy kezdesýge kelgen ardagerler men stýdentterdi Uly Jeńistiń 65-jyldyǵymen quttyqtap, izgi lebizin bildirdi.

«Qurmetti ardagerler, Jeńis kýágerleri, merekelerińiz qutty bolsyn. QazUÝ ujymy qashanda Uly Jeńistiń bedelin asqaq ustap, qurmetteýge daıyn», dep atap ótti ol.

Quttyqtaý sózden keıin QazUÝ-dan soǵysqa attanǵan 287 jaýyngerdi eske alý úshin mınýttyq únsizdik jarııalandy.

Sonymen qatar ardagerler maıdan dalasyndaǵy qazaqstandyq jaýyngerlerdiń erlikteri jaıynda áńgime qozǵap, jastarǵa patrıottyq tárbıe beretin ósıetterin jetkizgennen keıin ýnıversıtet murajaıyndaǵy Uly Otan soǵysynyń ekspozıtsııasyna gúl shoqtaryn qoıyp, murajaı zalyn aralady. Al marqum soǵys ardageri, QazUÝ da birneshe jyl ustazdyq etken Hanǵalı Súıinishálıevtiń jubaıy Aqsulý Talapqalıqyzy ýnıversıtet murajaıyna ardagerdiń ordenderi men medaldaryn tapsyrdy.