Qazaq ulttyq óner ýnıversıtetine qarjylyq qoldaý qajet - M. Aısına
aýsymnyń 3-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtat Maıra Aısına Úkimet basshysynyń atyna saýal joldap, onda Qazaq ulttyq óner ýnıversıtetin qarjylaı qoldaýǵa kómek berýin surady,
dep habarlaıdy QazAqparat.
«Ótken joly Qazaq ulttyq mýzyka akademııasy Qazaq ulttyq óner ýnıversıteti bolyp qaıta atalǵan bolatyn. Sonymen birge, ýnıversıtette horeografııa, operatorlyq óner, keskindeme, músin, grafıka, dekoratıvtik-qoldanbaly óner sııaqty jańa mamandyqtar ashylyp otyr. Osyǵan baılanysty oqýshylar men stýdentter qabyldaý da ulǵaıdy, bul tıisinshe synyptardyń jetispeýine ákep soǵyp otyr», dedi depýtat.
Onyń aıtýynsha, qazirgi tańda ýnıversıtet basshylyǵy qosymsha qurylystar salýǵa jáne ózge qalalardan kelgen muǵalimder men stýdentterge jatahanany jalǵa alýǵa májbúr bolyp otyr. «Sondyqtan da, qyrkúıek aıynan jańa 2010-2011 oqý jylynyń bastalatynyn eskere otyryp, Úkimetten joǵaryda atalǵan shyǵyndardy qarjylandyrý úshin jalpy 355,0 mln. teńge bólýge kómek kórsetýdi ótinemin», deıdi M. Aısına.
