Qazaq ulttyq medıtsınalyq ýnıversıtetiniń ujymy Elbasyna alǵys bildirdi
«Elbasy Eýrazııa kindiginde jas memlekettiń jańa astanasyn turǵyzyp, órshil halqymyz azattyq rýhyna, jańalyqtyń, jaqsylyqtyń ordasyna aınaldyrdy. Osydan 20 jyl buryn bizdiń elimizdiń aldynda eki mindet turdy. Onyń biri - jeke memlekettigimizdi qurý bolsa, ekinshi ekonomıkany damytý. Qazirgi kezde, bul qıyndyqtardyń barlyǵy artta qaldy, búgingi Qazaqstannyń bet beınesi sony anyq ańǵartady. Buǵan, árıne, halqymyzdyń qajyrly eńbeginiń arqasynda qol jetkizildi. Alaıda, bul jetistikterge qazaq memlekettiginiń qurylysshysy, álemdegi bedeldi saıasatkerlerdiń biri - Nursultan Nazarbaevsyz jetý múmkin emes. Memleketti qurý jáne damytý bir adamnyń aqyly men qolynan kelýi múmkin emes. Buǵan erekshe tarıhı jaǵdaı men erekshe saıası talant qajet. Biraq, Nursultan Nazarbaev sony júzege asyrdy. Elbasy óziniń halqyn bastap, álemdik kartada memleket paıda boldy. Bul memleket búgingi tańda álemdegi eń myqty elderiniń qatarynda», deıdi bilim ordasynyń ujymy.
Osy oraıda, S.D.Asfendııarov atyndaǵy Qazaq ulttyq medıtsınalyq ýnıversıtetiniń ujymy Elbasy, bizdiń Uly memleketimizdiń negizin qalaýshy, qazaqstan memleketiniń basty sáýletshisi Nursultan Nazarbaevqa sheksiz alǵysyn bildiredi.
«Elbasy bizderge erteńgi kúnge senimmen qaraıtyn, beıbitshilik pen turaqtylyq ornaǵan, eń basty qundylyǵy adam jáne onyń bostandyǵy bolyp sanalatyn memlekette ómir súrýde senimdilik uıalatty. Búgingi tańda álemniń kóptegen elderi Qazaqstandy baqýatty, saıası jáne ekonomıkalyq turaqtylyq, ultaralyq túsinistik pen tatýlyq ornaǵan memleket dep tanıdy. Nursultan Ábishuly siz ǵana bizdiń jetistigimizben jáne baqytty bolashaǵymyzdyń kepilisiz alasyz», dep jazdy ýnıversıtet ujymy.
Elbasy Nursultan Nazarbaevtyń atyna kesheden beri qoǵam ókilderi alǵystaryn bildirýde. Sonyń biri - sahna maıtalmandary Qazaqstanǵa ǵana emes, búkil álemge Astana Opera», «Astana Balet» jáne «Qazaq Ulttyq horegrafııa jáne murjaı akademııasyn syılaǵan Elbasyna sheksiz rızashylyqtaryn aıtýda. Shyǵarmashylyq ujymdar Nursultan Nazarbaevqa Qazaqstandy álemniń kóptegen elderine tanytý múmkindigin týǵyzǵandyǵy úshin rıza.
«Astana Opera» teatarynyń ujymy: «Memleket tarıhynda sizdiń rólinińiz orasan zo. Biz Sizdiń ereń eńbegińizge sheksiz rızamyz! Siz ózińizdiń tapqyrlyq, kóregendińizdiń arqasynda halqyńyzdy qıyn kezden baqytty bolshaqqa alyp shyǵyp, elimizdiń barlyq azamattarynyń birligin qamtamasyz ettińiz. Táýelsizdiń alǵan jyldary ekonomıkalyq apat aldynda turǵan elimizdi aıaǵynan nyq turǵyzdyńyz, gúldenip damýyna jaǵdaı jasadyńyz. Sondyqtan, Qazaqstanǵa ǵana emes, búkil álemge «Astana Opera», «Astana Balet» jáne Qazaq Ulttyq horegrafııa jáne murjaı akademııasyn syılaǵan sizge sheksiz alǵys bildiremiz», deıdi shyǵarmashylyq ujymdar.
