Qazaq ulttyq agrarlyq ýnıversıtetiniń ataýy ózgerýi múmkin
MATY. 19 tamyz. QazAqparat /Erlik Erjanuly/ - Almatydaǵy Qazaq ulttyq agrarlyq ýnıversıteti ataýyn ózgertý týraly quzyrly organdarǵa usynys jasady.
Ony ýnıversıtet rektory Tilektes Esbolov búgin QR Aýyl sharýashylyǵy mınıstri Asyljan Mamytbekovpen bolǵan kezdesýde aıtty.
«Álemdik tájirıbege qarasaq, aýyl sharýashylyǵy mamandaryn daıyndaıtyn oqý oryndarynyń ataýy ártúrli. Olardyń aýyl sharýashylyǵy ınstıtýty ne ýnıversıteti dep atalýy mindetti emes. Ulttyq oqý oryndary ǵylymı ortalyqqa aınalǵannan keıin biz de endi quzyrly organdarǵa óz ataýymyzdy Qazaq ulttyq bıoresýrstar jáne tabıǵatty paıdalaný ýnıversıteti dep ózgertý jóninde usynys jasap otyrmyz», - deıdi Tilektes Esbolov. Bul bastamaǵa aýyl sharýashylyǵy mınıstrliginiń de qoldaý bildirýin suraǵan oqý ornynyń basshysy ýnıversıtetti ǵylymı ortalyqqa aınaldyrýdyń keshendi baǵdarlamasy jasalǵanyn jetkizdi. Onyń aıtýynsha, qazirgi tańda Qazaqstanda 30-dan astam ýnıversıtette aýyl sharýashylyǵy mamndary daıyndalady. Qazaq ulttyq agrarlyq ýnıversıteti olardyń ádistemelik ortalyǵy bolyp otyr. Atalmysh oqý orny qazir memlekettik údemeli ındýstrııalyq-ınnovatsııalyq damý baǵdarlamasyndaǵy 95 jobaǵa qatysýda.
