Qazaq Ulttyq agrarlyq ýnıversıtetinde stýdentterdiń XV ǵylymı konferentsııasy ótti

Bul tolyq basqosýda aýyl sharýashylyǵyna qatysty kóptegen máseleler tarazy talqysyna tústi. Qus pen kúrish ósirý jáne aýyl tóńireginde kókeıkesti jaılar tilge tıek etildi. Konferentsııaǵa jalpy 465 baıandama daıyndalǵan. Onyń ishinde 10 baıandama aǵylshyn tilinde.

«Búgingi konferentsııamyz Táýelsizdiktiń 20 jyldyǵyna arnalyp otyr. Sondaı-aq, konferentsııa erekshe saıası jaǵdaılardyń biri - alda kele jatqan saılaý naýqany qarsańynda ótýi bolyp otyr. Osy kúni Elbasy qoldaýynyń arqasynda bilimge erekshe kóńil bólinip keledi. Oǵan dálel arnaıy baǵdarlamalar men Joldaý. Al, osy jasalyp otyrǵan qoldaýdy biz oryndy paıdalana bilýimiz kerek. Oqytýshy quramy halyqaralyq úlgige saı bolýy tıis. Osy baǵytta da kóptegen ister atqarylyp jatyr. Al, stýdentterdi ǵylymǵa tartýymyz kerek. Bizdiń órisimiz soǵan saı keń bolý kerek. Jalpy, bilim men ǵylym ushtasýy tıis. Ár stýdent ǵylymmen aınalyssa elimiz úshin bul úlken jetistik bolar edi» - dedi QazUAÝ rektory Tilektes Espolov.

Sektsııalyq jumystyń «Áleýmettik-gýmanıtarlyq ǵylym» salasy boıynsha 1 kýrs stýdentteri belgili tulǵalar Ál-Farabı, Abaı, Dinmuhammed Qonaev, Oljas Súleımenov eńbekterimen qalaı baılanystyrylǵany saraptaý satysynan ótti. Barlyq fakýltet stýdentteriniń ǵylym salasyna qanshalyqty qabiletti ekendigi de nazardan tys qalmady.

Al, 18 naýryz kúni plenarlyq basqosýdyń qorytyndysy bolady. Óte jaqsy baıandamalar aqshalaı syılyqtarmen jáne basqa da marapattarmen madaqtalady. Al, úzdik degen baıandamalar jaryqqa shyǵarylady. Qoryta aıtqanda, konferentsııa stýdentterdiń ǵylym salasyndaǵy qabiletterin kórsetedi.