Qazaq ulttyq agrarlyq ýnıversıtetinde sportqa erekshe kóńil bólinedi - Dına Júsipalıeva
ALMATY. 10 mamyr. QazAqparat /Erlik Erjanuly/ - Búgin Almatydaǵy Oktıabr Jarylǵapov atyndaǵy sport kesheninde voleıboldan erler komandalary arasynda ótip jatqan VI jazǵy ýnıversıada oıyndarynyń ashylý rásimi kezinde Qazaq ulttyq agrarlyq ýnıversıtetiniń prorektory Dına Júsipálıeva bylaı dedi:
«VI Jazǵy ýnıversıada oıyndarynyń Qazaq ulttyq agrarlyq ýnıversıtetiniń bazasynda ótýi biz úshin úlken qurmet. Bul joǵary oqý ornynda sportqa erekshe kóńil bólingen. Voleıbol ardagerleri bizdiń ýnıversıtette jıi bas qosyp turady. Olardyń arasynda Oljas Súleımenovtyń esimin erekshe atap ótkim keledi. Oljas Omaruly Almatyǵa kelgen kezde voleıbol oınaý úshin eń aldymen bizdiń sport zalǵa keledi. Belgili qoǵam qaıratkeri, aqyn O. Súleımenov esiminiń QazUAÝ-daǵy Áleýmettik-gýmanıtarlyq bilim berý jáne tárbıe ınstıtýtyna berilýi de kezdeısoq emes. Oqý ornynyń stýdentteri VI Jazǵy ýnıversıada oıyndary kezinde barlyq komandaǵa jankúıer bolyp, eń kúshti voleıbolshylardyń jeńiske jetýine tilekshi bolady1.
