Qazaq ulttyq opera jáne balet teatry 90-shy mereıtoılyq maýsymyn «Sılfıda» balet qoıylymymen aıaqtaıdy
ASTANA. KAZINFORM — 8-9 maýsymda Abaı atyndaǵy Qazaq ulttyq opera jáne balet teatry 90-shy mereıtoılyq maýsymyn H.Levensholdtyń «Sılfıda» romantıkalyq baletiniń jańa qoıylymymen jabady. Bul týraly Mádenıet jáne aqparat mınıstrliginiń baspasóz qyzmeti málimdedi.
Búgin ótken saltanatty sharaǵa QR Mádenıet jáne aqparat mınıstri Aıda Balaeva jáne respýblıkalyq deńgeıdegi teatr jetekshileri qatysty.
«Sılfıda» baleti – bizge jetken eń kóne klassıkalyq balet óneriniń jańa dáýirin ashqan romantıkalyq-horeografııalyq spektakl. Álem klassıkasynyń jaýhary - teatr sahnasynda uzaq jyldar qoıylyp kelgen, al bul qoıylymnyń ereksheligi balet óneriniń jańasha túrlenýiniń kórinisi», – delingen habarlamada.
Sonymen qatar, qoıylymda balet ártisteriniń kıim úlgisi de, mýzyka yrǵaǵy, sahnalyq dekoratsııalar tolyqtaı ózgeris engen. Jańadan jańǵyrǵan «Sılfıda» Almatynyń mádenı ómirindegi eleýli oqıǵalardyń biri jáne almatylyqtar men qala qonaqtary úshin jaǵymdy jańalyq bolmaq.
Spektaklge respýblıkalyq jáne halyqaralyq baıqaýlardyń laýreattary, balet ártisteri Jánel Túkeeva, Bogdan Verbovoı, Ámir Jeksenbek, Aıman Egisbaeva, Aıgúl Dúısekova, Syrym Aıýpov qatysty.
Qoıýshy-dırıjer retinde Abaı atyndaǵy QazUOBT bas dırıjeri Nurjan Baıbýsınov sóz sóıledi.
Qoıýshy-baletmeıster – Marıın teatrynyń áıgili balet ártisi, «Benois de la Danse», «Zolotaıa maska», «Zolotoı sofıt» syılyqtarynyń laýreaty Leonıd Sarafanov.
Qoıýshy-sýretshi Reseıdiń Halyq sýretshisi Vıacheslav Okýnev boldy.
