Qazaq ulttyq óner akademııasynyń stýdenti Belarýstegi halyqaralyq baıqaýda jeńimpaz atandy

ASTANA. KAZINFORM - Belarýs Respýblıkasynyń Vıtebsk qalasynda «Art-parad v Vıtebske» VII halyqaralyq festıval-baıqaýy ótti.

QR Mádenıet mınıstrligi baspasóz qyzmetiniń habarlaýynsha, baıqaýǵa Qazaqstan, Ulybrıtanııa, Germanııa, Italııa, Qytaı, Grýzııa jáne Qyrǵyzstan cııaqty 12 elden 1 200-den astam ónerpaz qatysty.

Onda Qazaqstan atynan Temirbek Júrgenov atyndaǵy Qazaq ulttyq óner akademııasynyń «Estradalyq vokal» mamandyǵy boıynsha 4-kýrs stýdenti Aqerke Amalıat óner kórsetti. Ol qazaq halyq ánin oryndap, 129 upaı jınap, «Vokal» nomınatsııasy boıynsha Gran-prı ıelendi.

Aıta keteıik, Aqerke buǵan deıin de halyqaralyq jáne respýblıkalyq deńgeıdegi kóptegen baıqaýlardyń jeńimpazy ári laýreaty atanǵan.

Osyǵan deıin Qazaqstandyq stýdenttiń álemdik deńgeıdegi jasandy ıntellekt baıqaýynda birinshi oryn alǵany týraly jazdyq.