Qazaq týy Soltústik polıýstiń aspanynda jelbiredi

QR sporttyń ulttyq túrleri fede­ra­tsııasynyń «Bes qarý» qaýymdastyǵy ókil­de­riniń habarlaýynsha, «Polıýs» Arktıka men Antarktıdany zertteý ekspedıtsııalyq orta­lyǵy sáýirdiń 2-si men 4-i aralyǵynda Sol­tústik polıýstiń geografııalyq núktesine pa­rashıýtpen halyqaralyq ekspedıtsııa jasady. Bul ekspedıtsııaǵa elimizdiń atynan qatysýǵa tájirıbeli sportshy, Qazaqstannyń parashıýt sporty federatsııasynyń ókili Ashat Qaratabanov tańdaldy. Para­shıýttik-desanttyq daıyndyq boıynsha shákirt tárbıelep júrgen Qaratabanov búginge deıin áýeden 4000 ret sekirgen. Ekspedıtsııa aldyn­da Almatyda «Bes qarý» federatsııasynyń jáne "KIT Group" kompanııalar tobynyń prezıdenti Dáýren Musa Ashatqa Qazaqstannyń kókbaıraǵy men federatsııanyń týyn Soltústik polıýste jelbiretý úshin tabys etti.

Osydan keıin A.Qaratabanov Máskeýge jetip, onda parashıýtshilermen birge Mýrmanskige, odan ushaqpen Soltústik polıýstegi Barneo muzdy bazasyna jetti. Birneshe kún klımatqa beıimdelgennen keıin halyqaralyq ekspedıtsııa músheleri polıýstiń 4500 metrlik bıiktiginen para­shıýtpen quldılady. Soltústik polıýs baǵyndyrylǵannan keıin olar Norvegııanyń Shpıtsbergen arhıpelagyndaǵy Longıır qalasy arqyly Máskeýge jetti. Soltústik polıýske Tý tikken qazaq mingen ushaq búgin Almaty áýe­jaıyna kelip qonady.