«Qazaq Týrızm» kompanııasynda jalaqy kóp bolmaıdy - Arystanbek Muxamedıuly
«Jańa kompanııanyń dırektorlar keńesi jeti adamnan turady. Olardyń ishinde Úkimettiń atynan eki adam, kompanııa basshysy, sosyn týrıstik qaýymdastyqtardyń eki táýelsiz dırektory bolady. Endi, kompanııa qyzmekterleriniń jalaqysy kádimgi mekemelerdiń aqysy sııaqty bolady. Onyń «ulttyq kompanııa» degen aty bolsa da, qyzmetkerlerdiń jalaqysy munaı-gaz salasyndaǵy kompanııalardyń jalaqysy sııaqty tólenbeıdi. Joǵary jalaqy qoıylmaıdy», - dedi QR Mádenıet jáne sport mınıstri Arystanbek Muxamedıuly jýrnalısterge bergen suxbatynda. Alaıda mınıstrlik basshysy kompanııany kimniń basqaratynyn jáne naqty qansha jalaqy qoıylatynyn aıtpady.
«Al ulttyq kompanııanyń qyzmetine keler bolsaq, ol aldymen otandyq týrızm salasyna ınvestıtsııalardy tartýmen aınalysady. Máselen, qazir úlken bir kompanııa Qazaqstannyń týrıstik qyzmetine qarjy quıýǵa daıyn. Olarǵa seriktes kerek. Biz bolsaq, mınıstrlik retinde ondaı jumyspen aınalysa almaımyz. Sol sebepti «Qazaq Týrızm» kommanııasyn qurdyq», - dep atap kórsetti Muxamedıuly.
Aıta keteıik, búgin Astanada otandyq týrızm salasyn damytýǵa arnalǵan jıyn ótti. Sol jerde vıtse-mınıstr Asqar Batalov Qazaqstanǵa qytaılyq týrısterdi kóptep tartý qajettigin jetkizdi .
